Bakı Gəmiqayırma Zavodunda Qazaxıstan üçün iki yeni quru yük gəmisinin inşası nəzərdə tutulur. Layihə iki ölkə arasında sənaye və nəqliyyat sahələrində əməkdaşlığın inkişafı istiqamətində növbəti addım olacaq.
Yeni gəmilərin inşası Xəzər dənizi vasitəsilə yükdaşımaların genişləndirilməsinə və Azərbaycanla Qazaxıstan arasında nəqliyyat əlaqələrinin möhkəmlənməsinə imkan yaradacaq.
Layihə Transxəzər Beynəlxalq Nəqliyyat Marşrutunun, yəni Orta Dəhlizin inkişafı baxımından da xüsusi əhəmiyyət daşıyır. Asiya ilə Avropanı birləşdirən bu marşrut beynəlxalq logistika sistemində getdikcə daha mühüm rol oynayır.
Azərbaycan üçün bu sifariş sənaye baxımından da əhəmiyyətlidir. Gəmiqayırma sahəsinin inkişafı istehsal imkanlarından daha səmərəli istifadəyə, müəssisələrin texniki potensialının gücləndirilməsinə və regional əməkdaşlığın genişlənməsinə şərait yaradır.
Yeni quru yük gəmilərinin gələcəkdə Xəzər dənizində daşımaların inkişafına və region ölkələri arasında yükdaşımaların səmərəliliyinin artırılmasına əlavə töhfə verəcəyi gözlənilir.
SCMedia.az