Oktyabrın 29-da Bakının və Abşeron rayonunun bir sıra ərazilərində təmir işləri ilə əlaqədar elektrik enerjisinin verilişi müvəqqəti məhdudlaşdırılacaq. Bu barədə “Azərişıq” ASC məlumat yayıb.
Yasamal rayonunda saat 10:00-dan 13:00-dək Dadaş Bünyadzadə, Kazım Kazımzadə, Ümid Akberov və Vasif Əliyev küçələrində, həmçinin Hüseyn Cavid və İnşaatçılar prospektlərinin bəzi hissələrində elektrik enerjisinin verilişi dayandırılacaq.
Xətai rayonunda saat 10:00-dan 14:00-dək Xocalı prospektində, eləcə də Sergey Senyuşkin və Yusif Səfərov küçələrinin bəzi hissələrində elektrik təchizatında fasilələr gözlənilir.
Abşeron rayonunda isə “Pirəkəşkül”, “Çaylı” və “Cəngi” yarımstansiyalarında təmir işləri aparılacaq. Saat 10:00-dan 16:00-dək Çaylı, Cəngi və Təzəkənd kəndlərində, həmçinin bir sıra elektrik xətlərində müvəqqəti məhdudiyyətlər tətbiq ediləcək.
“Azərişıq”dan bildirilib ki, işlər elektrik təchizatının keyfiyyətinin və etibarlılığının artırılması, eləcə də elektrik enerjisi itkilərinin azaldılması məqsədi daşıyır.
Təmir işləri başa çatdıqdan sonra elektrik enerjisinin verilişi bərpa olunacaq.