İndoneziyada Anak-Krakatau vulkanının püskürməsi hava nəqliyyatının fəaliyyətində ciddi fasilələrə səbəb olub.
Vulkan külü yüksəkliyə qalxaraq Yava və Sumatra adalarının sıx məskunlaşmış əraziləri istiqamətində yayılıb. Aviasiya üçün yarana biləcək təhlükə ilə əlaqədar bir sıra reyslərin həyata keçirilməsinə məhdudiyyətlər tətbiq edilib.
Mövcud məlumatlara görə, vəziyyət 200-dən çox aviareysə və minlərlə sərnişinə təsir göstərib. Dəyişikliklər həm daxili, həm də beynəlxalq uçuşları əhatə edib.
Vulkan külünün yayıldığı ərazilərdə yerli sakinlərə ehtiyat tədbirlərinə riayət etmək və rəsmi qurumların məlumatlarını diqqətlə izləmək tövsiyə olunub.
Mütəxəssislər vulkanın aktivliyini və kül buludunun hərəkətini izləməyə davam edirlər. Vəziyyət püskürmənin intensivliyindən və küləyin istiqamətindən asılı olaraq dəyişə bilər.
Anak-Krakatau vulkanı Yava və Sumatra adaları arasındakı Zond boğazında yerləşir və İndoneziyanın ən məşhur aktiv vulkanlarından biri hesab olunur.
SC Media | 6 sentyabr 2026