Azərbaycan və UNESCO mədəniyyət, təhsil, elm və tarixi irsin qorunması sahələrində əməkdaşlığı genişləndirmək niyyətindədir. Azərbaycanın xarici işlər nazirinin müavini Elnur Məmmədov UNESCO baş direktorunun müavini Asa Regnerlə görüşündə əməkdaşlığın yeni istiqamətlərini və birgə təşəbbüslərin perspektivlərini müzakirə edib.
Tərəflər mədəniyyətlərarası dialoq, dayanıqlı turizm, süni intellekt və UNESCO-nun “İnsan və biosfer” proqramına xüsusi diqqət yetiriblər. Xalqlar arasında qarşılıqlı anlaşmanın gücləndirilməsinə yönəlmiş beynəlxalq layihələrin əhəmiyyəti də vurğulanıb.
Müzakirələr Bakıda müxtəlif ölkələrin və beynəlxalq təşkilatların nümayəndələrini bir araya gətirən VII Ümumdünya Mədəniyyətlərarası Dialoq Forumu çərçivəsində aparılıb.