Azərbaycanın Tərtər rayonunda silahlı insident baş verib. Hadisə rayonun Şıxarx qəsəbəsində qeydə alınıb.
Məlumata görə, 1974-cü il təvəllüdlü Məzahir Yusifov odlu silahdan açılan atəş nəticəsində hər iki ayağından güllə yarası alıb. Yaralı Tərtər Rayon Mərkəzi Xəstəxanasına çatdırılıb.
TƏBİB-in məlumatına görə, pasiyentə zəruri tibbi yardım göstərilib. Onun müalicəsi xəstəxananın müvafiq şöbəsində davam etdirilir və vəziyyəti orta ağır qiymətləndirilir.
Hadisə ilə bağlı polis əməkdaşları tərəfindən əməliyyat tədbirləri həyata keçirilib. Cinayəti törətməkdə şübhəli bilinən 21 yaşlı Hüsən Mirzəzadə saxlanılaraq istintaqa təhvil verilib.
Hadisənin hansı səbəbdən baş verdiyi araşdırılır.
Faktla bağlı araşdırma davam etdirilir.
SC Media | 8 sentyabr 2026