Azərbaycan və Qırğızıstan beynəlxalq avtomobil daşımaları sahəsində əməkdaşlığı gücləndirir. Azərbaycanın Prezidenti İlham Əliyev 21 oktyabr 2026-cı il tarixində iki ölkə arasında müvafiq sazişin təsdiq edilməsi haqqında qanun imzalayıb.
Sənəd iyulun 31-də Qırğızıstanın Çolpon-Ata şəhərində imzalanıb. Saziş yük və sərnişin daşımalarının inkişafını, eləcə də tranzit əlaqələrinin təkmilləşdirilməsini nəzərdə tutur.
Saziş beynəlxalq avtobus marşrutlarının təşkili və yüklərin avtomobil nəqliyyatı ilə daşınması üçün hüquqi əsas yaradır.
Nəqliyyat sahəsində əməkdaşlığın genişləndirilməsi Azərbaycan və Qırğızıstan arasında ticarət-iqtisadi əlaqələrin möhkəmlənməsinə və hər iki ölkənin daşıyıcıları üçün əlavə imkanların yaranmasına xidmət edəcək.
Mənbə: APA