PISA beynəlxalq qiymətləndirməsinin nəticələri Bakı məktəbliləri arasında müsbət dinamikanın olduğunu göstərib.
Elm və Təhsil Nazirliyinin məlumatına əsasən, PISA 2025 nəticələri üç əsas istiqamət üzrə 2018-ci ilin göstəricilərindən yüksək olub.
Riyazi savadlılıq üzrə nəticə 420 baldan 460 bala, təbiət elmləri üzrə 398 baldan 440 bala, oxu savadlılığı üzrə isə 389 baldan 405 bala yüksəlib.
2022-ci ilin nəticələri ilə müqayisədə də nəzərəçarpacaq irəliləyiş qeydə alınıb. Riyazi savadlılıq göstəricisi 63 bal, təbiət elmləri üzrə 60 bal, oxu savadlılığı üzrə isə 40 bal artıb.
Yeni göstəricilər Azərbaycanda məktəb təhsilinin keyfiyyətinin daha da yüksəldilməsi və şagirdlərin bilik və bacarıqlarının inkişaf etdirilməsi baxımından mühüm nəticə hesab olunur.
SC Media | 12 sentyabr 2026