“Sabah” tarixində ilk dəfə Çempionlar Liqasının əsas mərhələsinə yüksəlib

Azərbaycanın “Sabah” futbol klubu tarixi uğura imza ataraq ilk dəfə UEFA Çempionlar Liqasının əsas mərhələsinə vəsiqə qazanıb.

Pley-off mərhələsinin cavab oyununda “Sabah” İsrailin “Hapoel Beer-Şeva” klubu ilə qarşılaşıb. Görüşün əsas vaxtı Azərbaycan təmsilçisinin 3:2 hesablı üstünlüyü ilə başa çatıb və qarşılaşma əlavə vaxta gedib.

Əlavə vaxtda “Sabah” daha iki qol vuraraq 5:2 hesablı parlaq qələbə qazanıb.

İki oyunun nəticəsinə əsasən, Azərbaycan klubu rəqibini 6:4 hesabı ilə məğlub edib və tarixində ilk dəfə Çempionlar Liqasının əsas mərhələsinə yüksəlib.

“Sabah”ın heyətində qolları Kristian Nvaçukvu, Umarali Rahmonaliyev, Tellur Mütəllimov, Orfe Mbina və Coy-Lens Mikels vurublar.

Bu nəticə “Sabah” klubunun tarixində ən böyük uğurlardan biri, eyni zamanda Azərbaycan futbolu üçün mühüm nailiyyət hesab olunur.