Azərbaycan idmançıları Türkiyənin Trabzon şəhərində keçirilən 15 yaşadək boksçular arasında Avropa çempionatında uğurla çıxış edirlər.

Sanan Nəsibli, Yusif Əli və Sərxan Xahverdiyev yarımfinal görüşlərində qələbə qazanaraq qızıl medal uğrunda mübarizə aparmaq hüququ əldə ediblər. Nəsibli 52 kq, Əli 57 kq, Xahverdiyev isə 70 kq çəki dərəcəsində çıxış edir.

Azərbaycan millisinin daha iki üzvü — Ələkbər Məmmədli və Gülay Ocaqova yarışda bürünc medal qazanıblar.

Çempionatın həlledici görüşlərinin oktyabrın 25-də keçirilməsi planlaşdırılır. Gənc boksçuların uğurlu çıxışı Azərbaycan komandasının beynəlxalq arenadakı nailiyyətlərindən biri olub.

Mənbə: Azərbaycan Boks Federasiyası